سستا علاج فراہم کرنے والا اسپتال، حکومت کے فنڈ کا منتظر

ریاست اترپردیش کے ضلع علی گڑھ کے قدیمی مسلم اکثریت علاقے اوپر کوٹ، شاہی جامع مسجد کے سامنے موجود خیرات، زکوٰۃ اور چیریٹی سے چلنے والا 'علی گڑھ نیشنل اسپتال' حکومت کی توجہ کا طلبگار ہے۔

علی گڑھ نیشنل اسپتال کا قیام 1990 میں موجودہ شہر مفتی محمد خالد حمید کے والد شہر مفتی عبدالقیوم اور علاقے کے معززین کی کوششوں سے قیام کیا گیا۔ جس کا مقصد علی گڑھ شہر کے مختلف علاقوں کے غریب اور کمزور طبقوں کو طبی امداد فراہم کرنا ہے۔

علی گڑھ نیشنل اسپتال علی گڑھ شہر میں واحد غریبوں کا اسپتال ہے جو 20 روپے میں تین دن کی دوائی لوگوں کو فراہم کرتا ہے اور جو خیرات، زکوۃ اور چیریٹی سے چلتا ہے۔

علی گڑھ چیریٹیبل سوسائٹی کے جنرل سیکریٹری محمد گلزار نے خصوصی گفتگو میں بتایا کہ علی گڑھ نیشنل اسپتال کی چار منزلہ عمارت تیار ہونے کے بعد تقریباً 20 سال اسپتال بند رہا، جس کی وجہ ڈاکٹر کی ٹیم، دوائیاں، سرکاری فنڈ اور دیگر ضروری چیزیں دستیاب نہ ہوسکی۔

اسپتال کی چار منزلہ عمارت تیار ہونے کے تقریباً 24 سال بعد یکم جون 2014 کو شہر مفتی خالد حمید نے ایک کمیٹی تشکیل دی، جس میں علاقے کے نوجوان، بزرگوں اور کاروباریوں کے ساتھ اور ان کا تعاون شامل تھا۔

علی گڑھ نیشنل اسپتال

جس کی مدد سے یہ اسپتال 20 روپے میں تین دن کی دوائی دیتا ہے، جہاں پر مختلف مرض کے اسپیشلسٹ ڈاکٹر اپنی خدمات انجام دے رہے ہیں۔

20 روپے میں تین دن کی دوائی کی قیمت تقریباً پچاس سے ساٹھ روپیہ ہوتی ہے اور یہ سب چیریٹی، زکوۃ اور خیرات سے ہو رہا ہے، جو ہم سب کے تعاون سے ہو رہا ہے، ہمارے پاس کوئی حکومت کا فنڈ نہیں ہے کوئی مدد نہیں کرتا۔

علی گڑھ نیشنل اسپتال

محمد گلزار نے مزید کہا اگر حکومت ہمیں مدد کرتی ہے، فنڈ فراہم کرتی ہے تو یہ اسپتال علیگڑھ کا سب سے اچھا اسپتال ہوگا غریبوں کے لئے۔

صبح آٹھ بجے سے شام 8 بجے تک او پی ڈی جلتی ہے، تقریباً ڈھائی سو سے تین سو مریض آتے ہیں۔ ہم لوگوں کی ماہنامہ رسید کاٹتے ہیں، قربانی کی کھالیں، چیریٹی کا پیسہ، کچھ زکوۃ خیرات کا فنڈ آتا ہے اس سے اسپتال کو چلا رہے ہیں، ہمیں حکومت کی کوئی مدد یا نہیں ملتی۔

وہیں مریض خاتون شائستہ نے بتایا کہ یہ ایک اچھا اسپتال ہے جہاں پر بیس روپئے تین دن کی اچھی دوائی دی جاتی ہے۔