اے ایم یو کے دو سابق طلبہ جس میں سفیان احمد (بی آرک، 2009-2014 بیچ) نے جنرل کیٹگری میں کل ہند سطح پر 303 واں رینک حاصل کیا ہے، جب کہ آفتاب رسول نے 412 واں رینک حاصل کیا۔ سفیان نے گیٹ (GATE) میں بھی کل ہند سطح پر 16 واں رینک حاصل کیا تھا۔ آفتاب رسول نے کپواڑہ (جموں کشمیر) کے اپنے آبائی گاؤں میں رہ کر سول سروسز کی تیاری کی۔
اے ایم یو وائس چانسلر پروفیسر طارق منصور نے امید ظاہر کرتے ہوئے کہا کہ دونوں سابق طلبہ کی کامیابی سے اے ایم یو کے دیگر طلبہ و طالبات کو بھی تحریک ملے گی اور وہ اس باوقار مقابلہ جاتی امتحان میں زیادہ سے زیادہ تعداد میں شریک ہوں گے۔