اتر پردیش پبلک سروس کمیشن نے صوبے کے یونانی میڈیکل ڈیپارٹمنٹ میں میڈیکل آفیسر (یونانی) کی تقرری کا اعلان کیا ہے۔
اتر پردیش پبلک سروس کمیشن کی جانب سے جاری فہرست کے مطابق اے ایم یو کے اجمل خان طبیہ کالج کے 37 طلبا نے کامیابی حاصل کی ہے۔
یہ بھی پڑھیں: بھاگوت کے بیان پر پی ایف آئی کا ردعمل
طلبہ و طالبات کی شاندار کامیابی پر اجمل خان طبیہ کالج کے پرنسپل پروفیسر سعود علی خان نے خصوصی گفتگو میں بتایا کہ تقریبا 37 طلبا جو ہمارے اجمل خان طبیہ کالج سے پاس ہو چکے ہیں، ان کی انٹرویو میں کارکردگی بہت عمدہ رہی۔
پروفیسر سعود علی خان نے مزید کہا کہ اس موقع پر میں اپنے ان تمام طلبا و طالبات کو مبارکباد دیتا ہوں جو میڈیکل آفیسر کی پوزیشن کے لیے کامیاب ہوئے ہیں۔ امید کرتا ہوں کہ وہ آنے والے وقت میں یونانی سسٹم آف میڈیسن کو مزید تقویت فراہم کریں گے اور عوام کی بہتر سے بہتر انداز میں صحت کی دیکھ بھال کریں گے۔