علیگڑھ: میئر کا دیگر مذاہب کے لوگوں کے ساتھ سی اے اے کے خلاف احتجاج

اترپردیش کے شہر علی گڑھ کے میئر محمد فرقان نے آج دیگر مذاہب کے لوگوں کے ساتھ ایک احتجاجی مارچ سی اے اے، این آر سی اور این پی آر کے خلاف اپنے رہائش گاہ سے نکال کر علیگڑھ انتظامیہ تک احتجاجی مارچ کیا۔

احتجاجی مظاہرے میں ایک شخص نے اپنے سر کے بال کٹوا کر کر سر پر سی اے اے، این سی آر اور این پی آر لکھوا کر احتجاج کیا۔

مارچ میں شامل مختلف مذاہب کے لوگوں کا مرکزی حکومت سے مطالبہ ہے کہ وہ سی اے اے اور جیسے قانون کو جلد واپس لے کیوں کے یہ قانون آئین کے خلاف ہے اور ملک کو مذہب کے نام پر بانٹنے والا قانون ہے۔

میئر محمد فرقان کو اپنے رہائش سے کلکٹریٹ تک احتجاجی مارچ نکالنے کی اجازت نہ ملنے پر علیگڑھ انتظامیہ نے یونیورسٹی کرکٹ پویلین کے قریب ہی پولیس کو تعینات کرکے روکھا اور وہیں پر ان سے میمورنڈم حاصل کیا۔