علی گڑھ: ووٹوں کی گنتی کے لیے انتظامات مکمل

ریاست اترپردیش کے ضلع علی گڑھ کے ڈی ایم چندر بھوشن نے انتخابات کے ووٹوں کی گنتی سے متعلق پریس کانفرنس سے خطاب کیا۔

علی گڑھ ڈی ایم چندر بوچھڑ نے آنے والے 23 مئی کو انتخابات کے نتیجے سے متعلق پریس کانفرنس کرکے میڈیا کو بتایا کہ '23 مئی کو لوگ سبھا انتخابات ووٹ کی گنتی دھنی پور منڈی میں ہوگی'۔

انہوں نے کہا کہ 'ووٹوں کی گنتی 23 مئی کو صبح آٹھ بجے شروع ہوگی اور گنتی والے کمروں میں کسی بھی طرح کی کوئی فوٹوگرافی، ویڈیو گرافی نہیں ہوگی اور نہ ہی کوئی شخص کمروں میں موبائل یا کسی بھی طرح الیکٹرانک آلات لےکر جاسکتا ہے'۔

انہوں نے کہا کہ 'دھنی پور منڈی میں گنتی مکمل ہونے میں تقریباً آٹھ سے دس گھنٹے لگیں گے، کل 14 ٹیبل لگیں گے اور علیگڑھ میں سب سے کم کل 28 راؤنڈ میں ووٹ کی گنتی ہوگی'۔