علی گڑھ: ضروری اشیا کی خریداری کا وقت مقرر

ریاست اترپردیش کے ضلع علی گڑھ کے ڈی ایم چندر بھوشن سنگھ نے گزشتہ روز لاک ڈاؤن کے حالات کو مدنظر رکھتے ہوئے ضروری سامان خریدنے کا وقت مقرر کیا۔

واضح رہے کہ وزیراعظم کی جنتا کرفیو کی اپیل کے بعد ریاست اترپردیس کی حکومت نے علی گڑھ سمیت ریاست کے دیگر 15 اضلاع کو 25 مارچ تک لاک ڈاؤن کرنے کا حکم دیا تاکہ کورونا وائرس کی روک تھام کو یقینی بنایا جاسکے۔

گزشتہ روز علیگڑھ میں لاک ڈاؤن کے باوجود بھی کچھ جگہوں پر خاصی بھیڑ دیکھی گئی۔ لوگوں کو ضروری سامان خریدتے ہوئے اور بازاروں میں گھومتے دیکھا گیا جس کے مدنظر علیگڑھ ڈی ایم نے آج سے ضروری سامان خریدنے کا وقت مقرر کر دیا ہے اور عوام کو اپنے گھروں میں ہی رہنے کی ہدایت دی ہے۔

علی گڑھ کے ڈی ایم نے ای ٹی وی بھارت کو بتایا کہ لاک ڈاؤن کے دوران ضروری سامان کی دکانیں جیسے پھل، سبزی، راشن، پیٹرول پمپ اور دوائیوں کی دوکانوں پر بھیڑ بہت زیادہ دیکھی جا رہی ہے جس کی وجہ سے مقصد فوت ہوتا نظر آ رہا ہے۔ پھل، سبزی، کھاد ضلع میں ضرورت کے حساب سے موجود ہے اس لئے کسی طرح کی پریشانی نہیں ہوگی۔اور اگر کوئی دکاندار خریدارار سے سامان کے زیادہ پیسے لے گا تو اس کے خلاف سخت ایکشن لیا جائے گا۔اس دوران کاشتکاری بھی جاری رہے گی۔ آلو، گنا وغیرہ کی کاشتکاری جاری رہے گی۔ اس پر کسی طرح کی روک ٹوک نہیں ہوگی، پھل، سبزیاں، دودھ وغیرہ کی جو بھی گاڑیاں آ جا رہی ہیں ان پر بھی کسی طرح کی پابندی نہیں ہوگی۔ پولیس کو بھی ہدایت دے دی گئی ہے ان کو نہ روکا جائے۔پھل، سبزی اور راشن کی دکانیں صبح سات بجے سے گیارہ بجے تک اور شام میں پانچ بجے سے سات بجے تک کھلیں گی۔دوا کی دکانیں کھلی رہیں گے ان پر کسی طرح کی روک ٹوک نہیں ہے۔پیٹرول پمپ بھی صبح سات سے گیارہ اور شام میں پانچ سے سات بجے تک ہی کھلیں گے۔