لاک ڈاؤن کے دوران شراب کی دکانیں کھلنے کے بعد شرابیوں کی عجیب و غریب حرکتیں سامنے آرہی ہیں. ایسا ہی کچھ نظارہ آج بنارس کے چوکاگھاٹ علاقے میں دیکھنے کو ملا۔
دراصل ریاست اتر پردیش کے بنارس کے چوکاگھاٹ علاقے میں ایک 45 برس کا شخص شراب کے نشہ میں موبائل ٹاور پر چڑھ گیا۔
مقامی لوگوں کی ہرممکن کوششوں کے باوجود شرابی موبائل ٹاور سے نیچے نہیں اترا تو فائر بریگیڈ حکام کو اس معاملے کی اطلاع دی گئی جس کے فائر بریگیڈ کی کوششوں کے بعد اسے نیچے اتارا گیا.
فائر بریگیڈ کے اہلکاروں نے ہائیڈولک کرین کی مدد سے اس شخص کی جان بچائی اور جب اسے نیچے لایا گیا تو وہ نشے میں تھا.
فائر بریگیڈ کے اہلکاروں نے اس شخص کو نیچے اتارنے کے بعد چیت گنج پولیس کے حوالے کر دیا پولیس نے گرفتار کر کارروائی شروع کردی ہے.
واضح رہے کہ 'مارچ کے آخر سے جاری لاک ڈاؤن کے دوران 42 روز بند رہنے کے بعد چار مئی کو شراب کی دکانیں دوبارہ کھول دی گئیں ہیں۔اتر پردیش کی حکومت کو پہلے دن شراب کی فروخت سے سو کروڑ روپے کی آمدنی ہوئی تھی۔'
