ہائی وے پر زخمی شخص کی اکھلیش یادو نے مدد کی

لکھنئو آگرہ ایکسپریس وے پر ہولی کے دن خون میں لت پت پڑے نوجوان کو دیکھ کر اکھلیش یادو نے اپنا قافلہ رکوا دیا، اس کے بعد اپنے اسکارٹ کی گاڑی سے زخمی شخص کو میڈیکل کالج بھیجا۔

اس کے بعد اکھلیش یادو لکھنئو کے لیے روانہ ہوئے۔ دراصل سابق وزیر اعلی اکھلیش یادو اٹاوا کے سیفئی میں اپنے آبائی گھر سے ہولی منانے کے بعد لکھنؤ جارہے تھے۔

تالگرام کے قریب لکھنؤ آگرہ ایکسپریس وے پرانہیں ایک موٹر سائکل سوار نوجوان خون میں لت پت پڑا دکھائی دیا۔ زخمی نوجوان کو دیکھ کرانہوں نےاپنا قافلہ رکوادیااور زخمی نوجوان کواپنے اسکارٹ کی گاڑی سے میڈیکل کالج بھیجا اور وہ لکھنئو کے لیے روانہ ہوگئے۔

اطلاع موصول ہوتے ہی پولیس بھی موقع پر پہنچ گئی، نوجوان ضلع کے چھبرامئو کوتوالی علاقے کے رندھیر پور گاؤں کا رہنے والا ہے۔ وہ موٹر سائکل سے لکھنئو جانے کے لیے ایکسپریس وے پر آیا تھا۔

نوجوان کے پاس سے ملے آدھار کارڈ سے اس کی شناخت ہوگئی ہے۔