AIMIM Leader Criticizes Yogi Aditya: اے آئی ایم آئی ایم کے رہنما کی یوگی آدتیہ پر تنقید

اے آئی ایم آئی ایم کے امیدوار طاہر انصاری نے آج یوگی آدتیہ ناتھ کے بیان پر پلٹ وار کرتے ہوئے کہا کہ 10 مارچ کے بعد یوگی آدتیہ ناتھ کی گرمی خود ہی اتر جائے گی۔ AIMIM leader criticizes Yogi Aditya اب ان کا کھیل ختم ہو چکا ہے اب بی جے پی کو عوام سمجھ چکی ہے۔

اترپردیش کے ضلع مظفرنگر کی چرتھاول سیٹ سے اے آئی ایم آئی ایم کے امیدوار طاہر انصاری نے یوگی آدتیہ ناتھ کے بیان پر پلٹ وار AIMIM leader criticizes Yogi Aditya کرتے ہوئے آج کہا ہے کہ 10 مارچ کے بعد یوگی آدتیہ ناتھ کی گرمی خود ہی اتر جائے گی اب ان کا کھیل ختم ہو چکا ہے اب بی جے پی کو عوام سمجھ چکی ہے۔

انہوں نے کہا کہ اب عوام بی جے پی کے جلوسوں میں جانا تک پسند نہیں کر رہی ہے وہیں اسد الدین اویسی کے پروگرام میں لاکھوں کے تعداد میں لوگ انہیں دیکھنے کے لئے پہنچ جاتے ہیں۔ طاہر انصاری نے کہا کہ لوگ اب سمجھ گئے ہیں کہ اگر کوئی ہندو مسلم کو ساتھ لے کر چل سکتا ہے تو وہ بیرسٹر اسدالدین اویسی ہے۔

انہوں نے کہا کہ اویسی صاحب پر حملہ بھی ان لوگوں کی بزدلی کی نشانی ہیں بی جے پی والوں کو اپنے برے دن نظر آنے لگے ہیں یہ عوام کا دھیان ہٹانا چاہتے ہیں اور آپس میں لڑانا چاہتے ہیں لیکن اب ایسا نہیں ہوگا۔

اتر پردیش کی تاریخ رہی ہے کہ جب بھی کوئی مسلمان قیادت لے کر چلا ہے تو تمام سیاسی پارٹیاں چاہے چھوٹی ہو یا بڑی سب نے اس کا راستہ روکنے کا کام کیا ہے کوئی پارٹی نہیں چاہتی ہے کہ مسلم قیادت کھڑی ہو کیونکہ ان سبھی سیاسی پارٹیوں کی دکانیں ہماری وجہ سے ہی سجی ہوئی ہیں۔