Taylor Receives Death Threat ادے پور کے بعد مظفرنگرمیں بھی ٹیلرماسٹر کو جان سے مارنے کی دھمکی

راجستھان کے ادے پورمیں ٹیلرماسٹرکنہیا لال کے قتل کے بعد ایک بار پھر ایک درزی کوجان سے مارنے کی دھمکی دینے کا معاملہ سامنے آیا ہے۔ تازہ واقعہ ریاست اترپردیش کے ضلع مظفرنگرکا ہے۔ پولیس نے ٹیلرماسٹر کی شكایت پرنامعلوم شخص کے خلاف مقدمہ درج کرکے معاملے کی جانچ شروع کر دی۔ Taylor Receives Death Threat in Muzaffarnagar

مظفرنگر: اترپردیش کے ضلع مظفرنگر کے شہرکوتوالی علاقے کے شملي روڈ كے رہنے والے ایك درزی نے مقامی تھانہ میں شكایت درج کراتے ہوئے جان سے مارنے كی دھمكی ملنے کا دعویٰ کیا ہے۔ After Udaipur Now In Muzaffarnagar taylor receives Death Threat

شکایت کے مطابق آج صبح نریندرنام كے ایك درزی نے جب دکان كا شٹر كھولا تو فرش پر ایك خط پڑا ہوا ملا۔ انہوں نے خط كجھول كر دیكھا تو اس میں انہیں جان سے مارنے كی دھمكی دی گئی ہے۔درزی نے جب خط پرا تو اس كا ہوش اڑ گیا۔

اس خط میں لكھا تھا كہ بڑا دیش بھگت بنتا ہے۔ نوپورشرما كی حمایت كرتا ہے۔ ادے پور میں نوپور شرما كی حمایت كرنے والے درزی كا جس طرح سے قتل گیا تھا ٹھیك اسی طرح تہماری بھی جان جائے گی۔ اس خط میں مزید لكھا تھا كہ جہاں تك بھاگ سكتا ہے بھاگ۔

دھمکی آمیز خط ملنے کے بعد نریندركمار نام كا درزی اور اس کا خاندان میں دہشت میں ہے۔ اس خط كی وجہ سے آس پاس کے علاقے میں سنسنی پھیل گئی۔ مقامی تھانے كی پولیس بھی موقع پر پہنچ گئی اور جانچ شروع کر دی۔

پولیس نے درزی سے خط سے متعلق تمام جانکاری حاصل كی اور تفتیش شروع كردی۔ پولیس نے كہا كہ نامعلوم شخص كے خلاف شكایت درج كی گئی ہے۔ ملزم تلاش كی جارہی ہے۔ پولیس كو پوری امید ہے كہ اس معاملے میں ملوث شخص كو جلد ڈھونڈ نكالا جائے گا۔