عام آدمی پارٹی اترپردیش کے ذریعے سبھی ضلعوں میں خصوصی کاؤنٹرز لگا کر ممبر بنائے جائیں گے۔ اس کے علاوہ مس کالز اور ویب سائٹ کے ذریعے بھی رکنیت اختیار کرائی جائے گی۔ یہ اعلان اترپردیش کے انچارج اور عام آدمی پارٹی سے راجیہ سبھا رکن سنجے سنگھ نے کیا۔
نوئیڈا سیکٹر 29 میں واقع نوئیڈا میڈیا کلب میں منعقدہ پریس کانفرنس میں سنجے سنگھ نے کہا کہ '23 فروری کو لکھنؤ میں اتر پردیش ایگزیکٹو کا اجلاس بھی ہوگا۔ اس اجلاس میں اترپردیش میں پارٹی کی مضبوطی کے لیے حکمت عملی طے کی جائے گی۔'
دہلی کے بعد اب عام آدمی پارٹی اترپردیش میں بھی سرگرم انہوں نے بتایا کہ 'اترپردیش میں ہر اسمبلی حلقہ میں کم سے کم 5000 بینر پوسٹر لگا کر پارٹی کی پالیسیاں کو تشہیر و ترویج کی جائے گی۔ پورے اتر پردیش میں 20 لاکھ سے زیادہ بینرز اور پوسٹر چسپاں کیے جائیں گے۔ اس کے علاوہ وال رائیٹنگ کے ذریعہ بھی پارٹی کی بڑے پیمانے پر تشہیر کی جائے گی۔'
انہوں نے بتایا کہ 'دہلی اسمبلی انتخابات میں کامیابی حاصل کرنے والے اترپردیش کے مقامی رکن اسمبلی کے آبائی اضلاع میں اعزازیہ تقریب منعقد ہوگی۔ جس میں پارٹی کے وزرائے کے علاوہ قومی اور ریاستی عہدیدار بھی شامل ہوں گے۔'
انہوں نے بتایا کہ 'دہلی اسمبلی میں ایسے 12 ارکان اسمبلی نے کامیابی حاصل کی ہے جو اترپردیش سے تعلق رکھنے والے ہیں۔
