مظفر نگر: قربانی کے جانوروں کی خرید و فروخت پر بُرا اثر

کورونا وبا کی وجہ سے ہر کسی کے کاروبار پر بُرا اثر پڑا ہے۔ اس طرح قربانی کے جانوروں کی خریدو فروخت کرنے والے کاروباری بھی کافی پریشان ہیں۔

ریاست اتر پردیش کے ضلع مظفر نگر میں کورونا وبا کی وجہ سے عید الاضحیٰ کے موقع پر قربانی کے جانوروں کی خرید وفروخت پر کافی اثر پڑا ہے۔

کورونا وبا کی وجہ سے بازاروں میں قربانی کے جانور کم دیکھنے کو مل رہے ہیں اگر قربانی کے جانور مل بھی رہے ہیں تو ان کی قیمتیں آسمان چھو رہی ہیں۔

ای ٹی وی بھارت نے قربانی کے جانور خرید و فروخت کرنے والے کاروباریوں سے بات کی تو انہوں نے بتایا کہ 'کورونا وبا کی وجہ سے ہمارے کاروبار پر کافی اثر پڑا ہے۔ ہر کوئی اس سے متاثر ہوا ہے یہی وجہ ہے کہ قربانی کے جانوروں کی خریداری کرنے والے لوگ بازاروں میں کم دکھ رہے ہیں۔'

انہوں نے بتایا کہ 'انتظامیہ کی جانب سے جانوروں کے بازار لگانے کی اجازت نہیں دی گئی ہے۔ جس کی وجہ سے قربانی کے جانور بھی کم آرہے ہیں اور قربانی کے جانوروں کی قیمتیں آسمان چھورہی ہیں۔