ڈی ایم نے سی اے اے سے متعلق پرچے تقسیم کیے

شہریت ترمیمی ایکٹ کے خلاف ملک گیرسطح پر احتجاج کا سلسلہ جاری ہے، وہیں بہرائچ میں ضلع مجسٹریٹ بازار میں سی اے اے سے متعلق پرچے تقسیم کرکے غلط فہمی دور کرنے کی اپیل کی ۔

ریاست اترپردیش کے ضلع بہرائچ میں شہریت ترمیم قانون سے متعلق ضلع مجسٹریٹ نے بازار کے دکانداروں میں پرچے تقسیم کیے اور اسے پڑھنے کی اپیل کی۔

شہریت ترمیم قانون سے متعلق ایک پرچے کوضلع مجسٹریٹ سمبھو کمار و ایس.پی گورو گروور نے خود شہر کے بازار میں تقسیم کی اور عوام سے درخواست کی کہ وہ اس کو پڑھیں۔

شہریت ترمیم قانون کے متعلق ضلع مجسٹریٹ سمبھو کمار و ایس.پی گورو گروور نے محکمہ اطلاعات و رابطہ عامہ اترپردیش بہرائیچ کے ذریعہ اشاعت ایک پرچے کو خود شہر کے بازارمیں گئے اور اسے تقسیم کرکے لوگوں کو این.آر.سی. کے بارے میں جانکاری دی اور بتایا کہ اس قانون سے کسی کو کچھ بھی نقصان نہیں ہوگا۔
ضلع مجسٹریٹ نے امن امان قائم رکھنے کے لیے عوام سے اپیل بھی کی ۔