نوئیڈا: غیر قانونی قبضہ کے خلاف کارروائی

نوئیڈا کے پولیس کمشنر آلوک سنگھ اور ضلعی مجسٹریٹ سہاس ایل وائی کی قیادت میں آج سرکاری اراضی پر غیر قانونی قبضے کے خلاف مہم چلائی گئی جس میں 1.4690 ہیکٹر سرکاری اراضی کو غیر قانونی قبضے سے آزاد کرایا گیا۔

دہلی سے متصل نوئیڈا کے پولیس کمشنر آلوک سنگھ اور ضلعی مجسٹریٹ سہاس ایل وائی کی قیادت میں آج ضلع انتظامیہ اور پولیس عہدیداروں نے سرکاری اراضی پر غیر قانونی قبضے کے خلاف مہم چلائی۔

اس دوران ایس ڈی ایم دادری راجیو رائے، تحصیلدار راکیش اور ان کی ٹیم نے دادری کوٹ گاؤں میں 1.4690 ہیکٹر سرکاری اراضی کو غیر قانونی قبضے سے آزاد کرایا۔ بتایا جارہا ہے کہ آزاد کرائے گئے سرکاری اراضی کی مالیت تقریباً 6 کروڑ روپے کی ہے۔

ڈسٹرکٹ مجسٹریٹ سہاس ایل وائی نے کہا کہ 'مستقبل میں بھی ضلع انتظامیہ کی جانب سے اس طرح کے کاروائی کو یقینی بنایا جائے گا اور سرکاری اراضی کو غیر قانونی قبضے سے آزاد کرایا جائے گا۔