غیر قانونی شراب بیچنے والوں کے خلاف کارروائی - Action against illegal liqueur
ریاست اترپردیش کے ضلع گوتم بدھ نگر میں غیر قانونی شراب پر پابندی اور قیمت سے زائد شراب کی فروخت کو روکنے کے لیے ڈی ایم بی این سنگھ کی ہدایت پر مشترکہ طور پر کاروائی کی جارہی ہے۔
گوتم بدھ نگر کے دادری علاقے میں متعدد دکانوں کا معائنہ کیا گیا۔ ضلع مجسٹریٹ بی این سنگھ کے مطابق، دادری کے نائب تحصیلدار سیما سنگھ اور دادری کے ایکسائز انسپکٹر راکیش بہادر سنگھ نے مل کر شراب کی دکانوں کا اچانک معائنہ کیا۔ معائنہ کے دوران اسٹاک رجسٹر جمع نہ کرانے، شکایت کی رسید، شرح لسٹ کی عدم شمولیت، قواعد کے مطابق کل 8 دکانوں پر کاروائی کی گئی۔
یہ کاروائی ضلع مجسٹریٹ بی این سنگھ کی ہدایت پر کی جارہی ہے۔ ضلع ایکسائز افسر راکیش بہادر سنگھ نے بتایا ہے کہ ضلع میں غیر قانونی شراب کی فروخت پر روک لگانے کے مقصد سے اور قیمت سے زائد شراب کی فروخت کو روکنے کے لیے ضلع مجسٹریٹ کی ہدایت پر ٹیمیں تشکیل دی گئیں ہیں۔ جس کے ذریعہ اس کاروائی کو یقینی بنایا جا رہا ہے۔
ضلع ایکسائز افسر نے کہا کہ یہ پروگرام ڈی ایم کی ہدایت پر تسلسل کے ساتھ جاری رہے گا اور ناجائز شراب فروشوں اور قیمت سے زائد شراب بیچنے والوں کے خلاف سخت کاروائی عمل میں لائی جائے گی۔