تیزاب کے حملہ میں دو افراد زخمی

زمینی تنازع کے سبب لڑاءی کے دوران تیزاب سے حملے میں ایک نوجوان اور ایک مزدور شدید طور پر زخمی ہو گءے۔

مغربی اترپردیش کے ضلع میرٹھ میں ایک بھائی نے دوسرے بھائی پر تیزاب پھینک کر حملہ کیا.

بتایا جارہا ہے کی زمینی تنازع کے سبب دو بھائیوں کے درمیان لڑائی ہوئی اور لڑاءی کے دوران ایک بھائی نے دوسرے بھائی پر تیزاب پھینک کر حملہ کیا اس حملے میں ایک مزدور بھی زخمی ہوگیا ہے.

متاثر موہت گپتا کا الزام ہے کہ اس کے بھائی اور چچا نے اس پر تیزاب ڈال کر اس کو شدید زخمی کر دیا ہے جس میں اس کا ایک مزدور بھی زخمی ہوگیا ہے۔

موہت کا یہ بھی الزام ہے کہ اس کا بھائی اور چچا اس کے جائیداد پر قبضہ کرنے کے لیے اس کو جان سے مارنے کی سازش کر رہے تھے.

پولیس نے موقع پر پہنچ کر زخمیوں کو میڈیکل جانچ کے لیے علاقائی ہسپتال میں داخل کرایا ہے۔

پولیس کا کہنا ہے کہ میڈیکل رپورٹ آنے کے بعد ملزمان کے خلاف کاروائی کی جائے گی، فلحال ملزم اور اس کا چچا دونوں فرار ہیں۔