زہریلی شراب معاملے میں مطلوب ملزم گرفتار

اترپردیش میں پرتاپ گڑھ ضلع کے تھانہ سنگرام گڑھ پولیس نے علاقے کے منوہر پور رام پور ڈابی گاؤں میں زہریلی شراب سے ہوئیں چار اموات کے معاملے میں مطلوب ملزم کو گرفتار کرتے ہوئے دس پیٹی غیر قانونی دیسی شراب اور کیمیکل برآمد کیا ہے۔

خبر کے مطابق ایس ایچ او آشوتوش ترپاٹھی نے بتایا کہ گذشتہ 14 اور 15 مارچ کو منوہر پور رام پور ڈابی گاؤں میں زہریلی شراب پینے سے ایک خاتون سمیت چار افراد کی موت کے معاملے میں منّا لال یادو ساکن مریٹھی تھانہ نواب گنج وغیرہ کے خلاف سنگین دفعات میں کیس درج کیا گیا تھا۔ ملزم کو علاقے کے وجے سنگھ انٹر کالج کے نزدیک منگل کو گرفتار کر کے اس کے گھر سے دس پیٹی غیر قانونی دیسی شراب اور او پی کیمیکل برآمد کیا گیا ہے۔

اس سلسلہ میں جب ملزم سے باز پرس کی گئی تو اس نے اپنے جرم کا اعتراف کرتے ہوئے بتایا کہ وہ غیر قانونی شراب، گاؤں کے ببلو یادو سے خرید کر فروخت کرتا ہے۔ یہ شراب اس نے بابو لال پٹیل کو فروخت کی تھی جس کے پینے سے چار لوگوں کی موت ہوگئی۔

یو این آئی