'گائیڈ لائن دیکھنے کے بعد عمل کیا جائے گا'

میرٹھ کے ڈی ایم انل ڈھینگرا نے ای ٹی وی بھارت سے بات کرتے ہوئے کہا کہ محرم سے متعلق رعایت کو لیکر جاری احکامات کی جانکاری حاصل ہونے پر ہی گائیڈ لائن کے مطابق عمل کیا جائےگا۔

ماہ محرم میں مجالس کے انعقاد پر لگی پابندیوں میں رعایت دئے جانے کے مطالبے کو لیکر شیعہ عالم دین مولانا کلب جواد نقوی نے ہفتے کے روز دھرنا شروع کیا تھا، جسے حکومت کی جانب سے رعایت دیے جانے کی یقین دھانی کرائے جانے کے بعد ختم کر دیا گیا۔

بتایا گیا کہ ہوم سیکرٹری اترپردیش نے خود مولانا کلب جواد کو اس بات کی یقین دھانی کرائی تھی کہ گھروں میں مجالس کے انعقاد پر کسی طرح کی پابندی نہیں ہوگی اور پانچ افراد کی پابندی میں بھی رعایت دی جائے گی اور اس تعلق سے سبھی ضلع افسران کو ہدایات بھی جاری کر دی جائے گی ، لیکن مجالس کے انعقاد اور دس محرم کو تعزیہ کے لیے دی گئی رعایت کے حوالے سے جاری گائیڈ لائن کا ضلع انتظامیہ کے افسران کو کوئی علم نہیں ہے۔

اس سلسلے میں ضلع میرٹھ کے ڈی ایم انل ڈھینگرا نے ای ٹی وی بھارت سے بات کرتے ہوئے صاف کہا کہ محرم سے متعلق رعایت کو لیکر جاری احکامات کی جانکاری حاصل ہونے پر ہی گائیڈ لائن کے مطابق عمل کیا جائیگا۔

مجالس اور دس محرم کی تقاریب کے لیے رعایت کو لیکر ضلع انتظامیہ کو سرکاری احکامات کی جانکاری نہ ہونے سے یہ بات واضح ہوجاتی ہے کہ حکومت اور ضلع انتظامیہ دس محرم كو ليكر کتنی سنجیدہ ہے۔