علی گڑھ: حکومت کی ہدایت کے مطابق جمعہ کی نماز ادا کی گئی

ضلع علی گڑھ شہر کے علاقے میں موجود تاریخی جامع مسجد جہاں رمضان المبارک کے مہینے میں خاصی تعداد میں لوگ مسجد کے باہر بھی بازاروں اور سڑکوں پر نماز ادا کرتے نظر آتے تھے وہاں آج مسجد کے اندر کچھ ہی نمازی دیکھنے کو ملے۔

ریاست اتر پردیش کے علی گڑھ کی تاریخی جامع مسجد سمیت دیگر مساجد میں رمضان المبارک کے پہلے جمعہ کی نماز حکومت کی جانب سے جاری ہدایات کے مطابق ادا کی گئی۔

رمضان المبارک کے پہلے جمعہ کے روز ضلع علی گڑھ کی مساجد میں رونق دیکھنے کو نہیں ملی، حکومت کی جانب سے جاری ہدایات کے مطابق ہی مساجد میں نماز ادا کی گئی۔ جمعہ کی اذان کے بعد سے ہی کچھ مساجد میں تالے نظر آئے تو کچھ مساجد میں لوگوں کو اندر داخل ہونے سے منع کر دیا گیا۔

لوگوں سے اپیل کی گئی کہ اپنے اپنے گھروں میں ہی نماز ادا کریں۔ ضلع علی گڑھ شہر کے علاقے میں موجود تاریخی جامع مسجد جہاں رمضان المبارک کے مہینے میں خاصی تعداد میں لوگ مسجد کے باہر بھی بازاروں اور سڑکوں پر نماز ادا کرتے نظر آتے تھے وہاں آج مسجد کے اندر کچھ ہی نمازی دیکھنے کو ملے۔

علی گڑھ: حکومت کی ہدایت کے مطابق جمعہ کی نماز ادا کی گئی

سماجی کارکن اور علی گڑھ چیریٹیبل سوسائٹی کے سیکریٹری گلزار احمد نے بتایا کہ رمضان المبارک کے پہلے جمعہ کے روز بھی علی گڑھ کی شاہی جامع مسجد میں حکومت کی ہدایت کے مطابق پانچ سے آٹھ لوگوں نے نماز ادا کی اور اسی طرح ضلع کے مختلف مساجد میں بھی ادا کی گئی۔

گلزار احمد نے افسوس کا اظہار کرتے ہوئے کہا کہ گزشتہ برس بھی کورونا کا قہر تھا اور رواں برس بھی۔ اس پاک اور رحمتوں کے مہینے میں ہم سبھی دعا کرتے ہیں کہ اللہ تعالی پورے ملک اور دنیا سے کورونا کا خاتمہ جلد سے جلد عطا فرمائے۔