بائک پر سوار چار افراد سڑک حادثے کا شکار

ضلع بجنور میں گزشتہ رات تیز رفتار موٹر سائیکل اور سامنے سے آرہی ایک میکس کار کے درمیان زبردست ٹکر ہوگئی جس میں بائک پر سوار تین خاتون سمیت چار افراد بری طرح زخمی ہوئے ہیں۔

اترپردیش کے ضلع بجنور کے تھانہ نانگل سوتی کے چندک روڈ کے مایا پوری دیہات علاقے میں گزشتہ رات تیز رفتار میکس گاڑی اور سامنے سے تیز رفتاری سے آرہی بائیک کے درمیان ٹکر ہوگئی۔

ٹکر اتنی شدید تھی کہ میکس کار سڑک کنارے کھائی میں جاگری ساتھ ہی بائیک پر سوار تینوں خواتین اور ایک شخص بری طرح زخمی ہوئے ہیں، مقامی افراد نے انھیں فوری طور پر قریبی اسپتال میں زخمی کرایا ہے۔

حادثے کے بعد سڑک کئی گھنٹوں تک جام رہا اور پولیس نے بھی سڑک حادثے کا کیس درج کیا ہے۔

فی الحال کار میں سوار کسی بھی شخص کو چوٹ نہیں آئی ہے اور پولیس گاڑی کو کھائی سے نکالنے کی کوشش میں لگی ہے۔