میرٹھ : کام کے اضافی بوجھ سے پریشان آشا ہیلتھ ورکرز نے کیا احتجاج

میرٹھ کی سینکڑوں آشا ہیلتھ ورکرز نے آج ڈی ایم آفس پر احتجاج کرتے ہوئے اپنی پریشانی اور مطالبات پیش کئے۔ان کا مطالبہ ہے کہ میڈیکل اسٹاف کی طرح ان کو بھی سہولیت دی جائے۔

ریاست اترپردیش کے ضلع میرٹھ میں دو ہزار روپے کی اجرت پر ملازمت کرنے والی کنٹریکٹ ملازمین آشا ہیلتھ ورکرز کام کے اضافی بوجھ سے پریشان ہوکر احتجاج کرنے پر مجبور ہے۔ بہت کم اجرت پر خدمات انجام دینے کے باوجود کسی طرح کی سہولیت نہ حاصل ہونے سے ناراض میرٹھ کی سینکڑوں آشا ہیلتھ ورکرز نے آج ڈی ایم آفس پر احتجاج کرتے ہوئے اپنی پریشانی اور مطالبات پیش کئے۔

کووڈ ماحول میں بھی اپنی خدمات انجام دے رہی ان آشا ورکرز کا کہنا ہے کہ کورونا وبا کے اس خطرناک حالات میں بھی آشا ملازمین بغیر کسی سہولیت کے اضافی کام کرنے پر مجبور ہیں۔ میڈیکل افسران بھی ان کی مجبوری کا فائدہ اٹھا کر ان لوگوں کا استحصال کر رہے ہیں۔ کورونا انفیکشن کے خطرے کے ساتھ بغیر ماسک اور گلف کے کام کرنے پر مجبور ان ہیلتھ ورکرز کا کہنا کہ مستقل میڈیکل اسٹاف کی طرح ان کو بھی سہولیت دی جائے ۔

بایٹ۔شبانہ، آشا ورکر
بایٹ۔صفیہ، آشا ورکر


میرٹھ میں کورونا انفیکشن کے بڑھتے معاملوں کے ساتھ ہی کنٹریکٹ ملازمین آشا ہیلتھ ورکرز پر کام کے اضافی بوجھ سے پریشان ہوکر احتجاج کرنے کو مجبور ہیں۔ حکومت کو ان ہیلتھ ورکرز کی پریشانیوں کو ختم کرنے کے لیے اقدامات اٹھانے چاہیے ۔