مرادآباد: عام آدمی پارٹی کی فتح پر جشن

دہلی انتخابات میں عام آدمی پارٹی کی شاندار جیت کے بعد ملک بھر میں عاپ کارکنان کی جانب سے جشن منایا جارہا ہے۔

ریاست اترپردیش کے ضلع مرادآباد میں عام آدمی پارٹی کے فتح کے بعد آتش بازی، ڈھول نگاڑا بجایا گیا اور مٹھائی تقسیم کئی گئی۔ عاپ کے کارکنوں نے جشن منایا۔

اس موقع رپ عام آدمی پارٹی کے کارکنوں نے ریاستی بی جے پی حکومت پر سخت تنقید کرتے ہوئے کیجریوال زندہ باد اور عام آدمی پارٹی زندہ باد کے نعرے لگائے اور عاپ کی جیت کو ترقی اور جمہوریت کی فتح قرار دیا۔

دہلی میں عام آدمی پارٹی کی جیت کے بعد ملک بھر میں پھیلے ہوئے عاپ کارکنوں میں خوشی کی لہر دوڑ گئی اور انہوں نے جشن منایا۔