عآپ، اتر پریش میں سیاسی زمین تلاش کرنے میں مصروف

اتر پردیش میں کسان پنچایت کے ذریعے کسانوں کی ہمدردی بٹور رہی عام آدمی پارٹی اب دوسری پارٹیوں کے لیڈران کو پارٹی میں شامل کر کے ریاست میں اپنی سیاسی زمین مضبوط کرنے میں مصروف ہے۔

میرٹھ میں مختلف سیاسی جماعتوں کے کارکنان نے عام آدمی پارٹی میں شامل ہو کر اتر پردیش میں پارٹی کے مشن کو کامیاب بنانے کی بات کہی۔

زرعی قوانین کے خلاف کسانوں کو حزب اختلاف کا ساتھ مل رہا ہے۔ اسی ضمن میں عام آدمی پارٹی بھی کسان پنچایت کر کے اتر پردیش میں اپنا کارواں بڑھانے کا کام کر رہی ہے۔

میرٹھ میں عام آدمی پارٹی کے صوبائی صدر نے ایک پروگرام میں دوسری سیاسی پارٹیوں کے رہنماؤں کو پارٹی میں شامل کر کے پارٹی کو مضبوط کرنے کی بات کہی۔

اس موقع پر بڑی تعداد میں لوگوں نے پارٹی میں شمولیت اختیار کی۔