بجنور: ڈوبنے سے نوجوان کی موت، تلاش جاری

بجنور میں چار دوست گنگا گھاٹ کنارے نہا رہے تھے، اچانک یہ لوگ پانی کے تیز بہاؤ کی زد میں آگئے اور ڈوبنے لگے بمشکل تین نوجوان تو گنگا سے باہر نکل آئے جبکہ ان کا ایک ساتھی گنگا میں ڈوب گیا۔ غوطہ خوروں کی مدد سے نوجوان کی تلاش کی جا رہی ہے۔

ریاست اترپردیش کے بجنور ضلع کے تھانہ منڈاور کے گاؤں محی الدین گنگا گھاٹ پر چار نوجوان دوست نہانے کے لیے گیے تھے۔

اچانک گنگا میں تیز پانی کا بہاؤ آنے کی وجہ سے چاروں دوست بہہ گئے۔ جس میں سے تین کو تو بمشکل نکال لیا گیا ہے۔

موقع پر پہنچی پولیس نے گاؤں والوں کی مدد اورغوطہ خور کے تعاون سے تلاش کر رہے ہیں۔

اچانک بیٹے کے ڈوب جانے پر گھر والوں کا رو رو کر برا حال ہے۔