امروہہ: تیزاب سے بھرا ٹینکر پلٹا

ضلع امروہہ کے گجرولا علاقہ میں ایک تیزابی کیمیکل سے بھرا ٹینکر پلٹ گیا، جس سے علاقے میں افرا تفری مچ گئی۔

ریاست اترپردیش کے ضلع امروہہ کے گجرولا پولیس تھانہ کے قریب نیشنل ہائی وے نمبر9 چوپالا چوراہے پر تیزاب سے بھرا ایک ٹینکر پلٹ گیا۔

ٹینکر پلٹنے کے سبب سڑک پر دھواں کے غبارے اٹھنا شروع ہوگئے۔ جس سے موقع پر افراتفری کا ماحول پیدا ہو گیا۔ اس حادثے میں ایک پولیس اہلکار بھی تیزابی کیمیکل کا شکار ہوگیا۔ جبکہ وہاں کھڑی متعدد گاڑیاں بھی اس کی زد میں آ گئی۔

اس واقعہ کی اطلاع ملتے ہی موقع پر پولیس فورس اور محکمہ فائر کی ٹیم پہنچ گئی اور راحتی کام شروع کردیا۔ ٹینکر کو دو کرینوں کی مدد سے اٹھایا گیا۔

ڈپٹی سپرنٹنڈنٹ پولیس مونیکا یادو نے بتایا کہ اس حادثہ سےکوئی ناخوشگوار واقعہ نہیں ہوا ہے اور صورتحال پر قابو پالیا گیا ہے۔