سائنس نمائش میں بچوں نے اپنا ہنر پیش کیا

بچوں کے اندر پوشیدہ قابلیت کو اجاگر کرنے اور نکھارنے کے لیے ریاست اترپردیش کے ضلع مرادآباد میں واقع 'ڈی جی پی ایس' اسکول میں ایک سائنس نمائش کا اہتمام کیا گیا۔

اس سائنس نمائش میں اسکولی بچوں نے حصہ لے کر اپنی قابلیت کو پیش کیا اور جدید دور کے مطابق سائنس ماڈل بنا کر پیش کیے۔

اس نمائش میں ایک سے بڑھ کر ایک بہترین سائنس ماڈل دکھائی دیے۔ اس نمائش کا افتتاح پی ایس سی پولیس کے ڈی آئی جی سبھاش ڈوبی نے کیا اور مہمان خصوصی کے طور پر مرادآباد ایس پی سٹی امت آنند نے شرکت کرکے بچوں کے ہاتھوں سے بنی سائنس نمائش کا معائنہ کیا۔

پروگرام کے آخر میں بچوں کو انعام اور اعزاز سے نوازا گیا۔ اول آنے والے بچوں کو رینجر سائیکل سے نوازا گیا۔ بچوں نے انعام پاکر کافی خوشی کا اظہار کیا۔