ماہ صیام اپنی تمام تر رعنائیوں کے ساتھ ہم سے رخصت ہورہا ہے۔ اس کے ساتھ ہی عید سعید کی آمد آمد ہے، مسلمان ماہ صیام میں عبادت کرتے ہیں، اور عید کا چاند دیکھ کر یکم شوال کو عید مناتے ہیں، عید سعید کی آمد کے پیشِ ریاست اتر پردیش کے شہر مراد آبا دمیں ضلع انتظامیہ کی جانب سے تھانہ کٹ گھر علاقہ میں ایک میٹنگ منعقد کی گئی، اس میٹنگ میں مرادآباد ایس پی سٹی اکھلیش بھدوریہ تھانہ کٹ گھر کے سی او اکھلیش تیواری سمیت متعدد افسران موجود تھے۔ Eid Al Fitr 2022t Moradabad
افسران نے کہا کہ عید کی آمد کو لے کر انتظامیہ کی جانب سے یہ میٹنگ منعقد کی جارہی ہے، انہوں نے کہا کہ عید ایک ایسا تہوار ہے جس میں لوگ ایک دوسرے کے گلے مل کر عید کی مبارکباد پیش کرتے ہیں۔
-
انہوں نے کہا کہ ہندوستان ہمیشہ سے گنگا جمنا تہذیب کا علبردار رہا ہے،لوگ ایک دوسرے کے تہوار کا احترام کرتے ہیں،اور خوشیاں مناتے ہیں، ایس پی سٹی نے کہا کہ عید کے موقع پر شہر میں صاف صفائی کے خاص انتظام ہونگے ،اور بجی کا نظام بھی بہتر رہیگا،انہوں نے کہا کہ شر پسند عناصر پر پولیس کی خاص نظر رہے گی،ضلع انتظامیہ ایسے افراد کے خلاف کاروائی کرے گا۔
مزید پڑھیں:Peace Committee Meeting: عید کے پیش نظر میرٹھ میں امن کمیٹی کی میٹنگ
مرادآباد ایس پی سٹی اکھلیش بھدوریہ نے میڈیا سے بات چیت میں کہا کہ اگر شر پسند عناصر نے ماحول کو خراب کرنے کی کوشش کی تو انہیں بخشا نہیں جائیگا۔
