Death Anniversary Of Hazrat Khadija: حضرت خدیجہ سلام اللہ علیہا کے یوم وفات پر مجلس عزا

ام المومنین حضرت خدیجہ سلام اللہ علیہا کے یوم وفات پر مجلس عزا Mourning Ceremony منعقد ہوئی، جس کا آغاز مولوی علی محمد معروفی نے تلاوت قرآن کریم سے کیا۔ اس کے بعد مولوی علی محمد نقوی نے بارگاہ جناب خدیجہ سلام اللہ علیہا میں منظوم نذرانہ عقیدت پیش کیا۔ Death Anniversary Of Hazrat Khadija

مولانا سید صفی حیدر زیدی سکریٹری تنظیم المکاتب نے سورۃ الضحیٰ کی آیت تلاوت کی اور ترجمہ بھی بیان کیا کہ 'کیا ہم نے آپ کو یتیم پا کر پناہ نہیں دی اور کیا آپ کو گم گشتہ پا کر منزل تک نہیں پہنچایا اور کیا آپ کو تنگ دست پا کر غنی نہیں کیا۔' انہوں نے بتایا کہ ماہ رمضان کی دسویں تاریخ ہے۔ اسی تاریخ میں رسول اللہ صلی اللہ علیہ وآلہ وسلم کی زوجہ خدیجہ سلام اللہ علیہا کی وفات ہوئی اور اسی سال حضورؐ کے شفیق و مہربان چچا جناب ابوطالبؑ کی رحلت ہوئی۔ لہذا آپ نے اس پورے سال کا نام عام الحزن یعنی غم کا سال قرار دیا۔ ظاہر ہے حضور ؐ کسی کافر کی موت پر اعلانِ غم نہیں کر سکتے۔ یہ اعلانِ غم ایمان ابوطالب کی نا قابل انکار دلیل ہے۔ Death Anniversary Of Hazrat Khadija

مولانا سید صفی حیدر زیدی نے فرمایا کہ حضرت خدیجہ سلام اللہ علیہا کے عمل کو اللہ نے اپنا عمل بتاتے ہوئے فرمایا کہ 'کیا آپ کو تنگ دست پا کر غنی نہیں کیا' جس سے آپ کی عظمت کا اندازہ ہوتا ہے کہ آپ کا عمل قدرت کو اتنا پسند آیا کہ اسے اپنا عمل کہا اور اللہ کے نبی ؐنے آپ کی وفات کے برسوں بعد ایثار و فداکاری کو یاد کرتے ہوئے فرمایا 'خدیجہ ؑمجھ پر اس وقت ایمان لائیں جب کوئی ایمان نہ لایا تھا، خدیجہؑ نے اس وقت عطا کیا جب سب نے روک دیا تھا، خدیجہؑ نے اس وقت میری تصدیق کی جب سب تکذیب کر رہے تھے۔ Death Anniversary Of Hazrat Khadija