بی ایس این ایل کا نمبر 12 لاکھ روپے میں فروخت

اتر پردیش کے میرٹھ میں ایک تاجر نے تقریبا 12 لاکھ روپے خرچ کرکے بی ایس این ایل کا اسپیشل نمبرخریداہے۔ اس خصوصی نمبر کے لیے خرچ کی گئی رقم شمالی بھارت کے لیے اب تک کی سب سے بڑی رقم ہے۔

بھلے ہی بی ایس این ایل کے نیٹ ورک کی مقبولیت میں کمی آئی ہو، لیکن پسندیدہ نمبرات لینے کا جنون لوگوں کے درمیان دیکھا جا رہا ہے۔

اطلاع کے مطابق اترپردیش کے میرٹھ میں ایک کانپور کے تاجر نے اپنے پسندیدہ بی ایس این ایل کے خصوصی نمبر کو 11,91,981روپے میں خریدا ہے۔اس موقع پر بی ایس این ایل کےسب ڈویژنل انجینئرشکتی سنگھ گولا نے کہا کہ شمالی بھارت میں یہ فروخت ہونے والا سب سے مہنگا نمبرہے۔ بی ایس این ایل آفیسراس نمبر کو فروخت کرکے کافی خوش ہیں۔ اس نمبر کی سب سے بڑی خاص بات یہ ہے کہ دو نمبر کو چھوڑ کر تمام نمبرایک ہی ہیں۔