نوئیڈا: پولیس اور شرپسند عناصر کے مابین تصادم

نوئیڈا میں گاڑی چیکنگ کے دوران پولیس اور شرپسند عناصر کے مابین تصادم میں ایک شرپسند زخمی ہوگیا جس کے بعد موقع سے پولیس نے اسے گرفتار کرلیا۔

دہلی سے متصل نوئیڈا میں گاڑی چیکنگ کے دوران نوئیڈا پولیس اور شرپسند عناصر کے مابین ہوئے تصام میں ایک شرپسند زخمی ہوگیا موقع سے پولیس نے اسے گرفتار کرکے علاج کے لئے ہسپتال میں داخل کرا دیا ۔

اس تعلق سے ایڈیشنل ڈپٹی کمشنر پولیس انکور اگروال نے بتایا کہ اتوار کی رات سیکٹر 88 کے قریب گاڑیوں کی چیکنگ کی جارہی تھی اس دوران سامنے سے آرہے دو بائک سوار کو پولیس نے رکنے اشارہ کیا، جس کے بعد وہ پولیس ٹیم پر فایرنگ کرنے لگے، پولیس نے فورا جوابی کاروائی کرتے ہوکے گولیاں چلائی جس میں سورج منڈل نامی ایک شرپسند زخمی ہوگیا جسے موقع سے پولیس نے گرفتار کرکے علاج کے لئے ہسپتال میں داخل کرادیا ہے۔

گرفتار شرپسند کے پاس سے پولیس کو چوری کی موٹر سائیکل سمیت متعدد غیر قانونی اسلحہ برآمد ہوے ہیں۔