امروہہ یوم خواتین کے موقع پر میٹنگ کا اہتمام

یوم خواتین کے موقع پر امروہہ شہر کوتوالی میں خواتین کو بااختیار بنانے کے لیے ویمن سیفٹی کمیٹی کا اجلاس منعقد کیا گیا۔

یوم خواتین کے موقع پر امروہہ شہر کوتوالی میں خواتین کو بااختیار بنانے کے لیے ویمن سیفٹی کمیٹی کا اجلاس منعقد کیا گیا جس میں سی او شریستھا ٹھاکر اور امروہہ بلدیہ کی چیئرمین ششی جین موجود رہیں۔

جس میں تحصیل علاقے کی خواتین نے حصہ لیا۔ اس موقع پرسی او شریستھا ٹھاکر نے بتایا کہ پہلے ضلع میں صرف ایک ہی خواتین کمیٹی ہوتی تھی جو خواتین سے متعلق معاملات میں حصہ لیتی تھی لیکن اب ہر پولیس اسٹیشن علاقہ میں خاتون تحفظ سمیتی تشکیل دی گئی ہے۔

اُنہوں نے بتایا کہ اس کمیٹی کا کام خواتین کے خلاف گھریلو جرائم کو روکنا ہوگا اور خواتین سے متعلقہ معاملات میں پولیس ان کی مدد کریں گی۔ اس کمیٹی کا کام خاندانی معاملات کو حل کرنا ہوگا۔

انہوں نے کہا کہ اس سے خواتین کو زیادہ طاقت ملے گی اور ساتھ ہی ان خواتین کو فائدہ ہوگا جو کسی وجہ سے تھانے نہیں آپاتی تھیں۔