ایک شخص نے انوکھی سینیٹائز مشین بنائی

ریاست اترپردیش کے ضلع جون پور میں ایک شخص نے ایسی سینیٹائز مشین بنائی ہے جس میں گزرنے سے پوری طرح سے سینیٹائز ہوا جا سکتا ہے۔

ضلع میں رئیس احمد نے سکیورٹی فورس اور پولیس اہلکاروں کے لیے ایک اٹومیٹک سینیٹائز مشین بنائی ہے۔ اس میں گزرنے پر کوئی بھی شخص سینیٹائز ہو سکتا ہے۔

رئیس احمد نے اپنے بھائی کے ساتھ مل کر اسے 10 روز میں بنایا ہے۔ جمعرات کو اس مشین کا افتتاح شاہ گنج میں ایک کورنٹائین سنٹر کے باہر کیا گیا۔ اس مشین کے اندر جیسے ہی کوئی شخص داخل ہوتا ہے ویسے ہی یہ مشین چالو ہو جاتی ہے اور اس پر دوا کا فوارا چھوڑتی ہے۔

اس سے شخص پوری طرح سینیٹائز ہو جاتا ہے۔ مشین بنانے والے رئین نے بتایا کہ اسے انہوں نے اپنے بھائی کے ساتھ مل کر بنایا ہے۔ ان کا بھائی رین بیکسی کمپنی میں کام کرتا ہے۔ ڈی ایم راجیش ورما نے بتایا کہ یہ مشین بہت خاص ہے۔ اسے کورنٹین سنٹر کے باہر لگایا گیا ہے۔