ریاست اتر پردیش کے ضلع امروہہ کے تھانہ دھنورا علاقے میں غازی کھیڈا گاؤں سے گزرنے والی نہر میں ستیندر سنگھ نامی شخص نے پل سے ندی چھلانگ لگا دی۔
اس شخص کے بہنوئی جےویر سنگھ نے بتایا کہ 50 سالہ ستیندر آیورویدک دوائی بنا کر فروخت کرنے کا کام کرتا تھا۔
اُنہوں نے اپنا موبائل اور کچھ سامان سڑک پر رکھ کر نہر میں کود گئے۔ سامان اور موبائل کو دیکھ کر گائوں والے موقع پر جمع ہوگئے اور کچھ لوگوں نے موبائل سے رشتے داروں کو اطلاع دی۔
جس کے بعد لواحقین بھی موقع پر پہنچ گئے اور پولیس نے غوطہ خوروں کو بلایا جو نہر میں ڈوبے شخص کی تلاش کر رہے ہیں۔
دھنورا پولیس اسٹیشن انچارج امر سنگھ نے بتایا کہ ڈوبے ہوئے شخص کی تلاش غوطہ خوروں کے ذریعہ کی جارہی ہے۔ ابھی تک خودکشی کی وجہ سامنے نہیں آسکی ہے۔