بجلی کے ٹرانسفارمر میں زبردست آتشزدگی

مظفر نگر کے رامپوری میں واقع شہاب الدین پور روڈ پر بجلی کے ٹرانسفارمر میں زبردست آگ لگ گئی۔ فائر بریگیڈ کی ٹیم نے فی الحال آگ پر قابو پالیا ہے۔

ریاست اُترپردیش کے مظفر نگر کے رامپوری محلے کے شہاب الدین پور روڈ پر بجلی کے ٹرانسفارمر میں اچانک آگ لگنے سے افرا تفری پھیل گئی۔

آگ لگنے کے بعد آس پاس کے لوگوں نے فائر بریگیڈ کی ٹیم کو فوراً اطلاع دی جس کے بعد فائر بریگیڈ کی ٹیم موقع پر پہنچی اور ٹرانسفارمر میں لگی آگ پر قابو پانے کی کوشش شروع کی۔

کافی جد وجہد کے بعد آگ پر مکمل قابو پا لیا گیا۔ آگ اتنی شدید تھی کے اسکی لپٹیں کافی دور سے بھی دکھ رہی تھیں۔ آگ بجھنے کے بعد علاقے کے لوگوں نے راحت کی سانس لی۔