بتایا جاتا ہے کہ یہ خاندان علی گڑھ گیا تھا وہاں ان کے داماد سے ملاقات ہوئی تھی۔ داماد کی کورونا رپورٹ پازیٹیو آنے کے بعد محکمہ صحت متھرا نے سریر تھانہ علاقہ میں جاکر اس خاندان کو ڈرائیور سمیت قرنطینہ کردیا۔
متھرا کے محکمہ صحت کے ڈاکٹر جتیش تیواری نے بتایا کہ 'یہ سریر کا معاملہ ہے۔ 28 اپریل کو یہ خاندان ساسنی گیا تھا۔ یہاں ان کی ساس کا انتقال ہو گیا تھا۔ وہاں ان کے داماد بھی پہنچے تھے جن کی 30 اپریل سے طبیعت خراب ہوئی ہے اور کل ان کی کورونا رپورٹ مثبت آئی ہے'۔
ڈاکٹر نے مزید بتایا کہ 'یہ لوگ اپنے داماد سے ملے ہیں اس لیے ان کو کورنٹائین کیا گیا ہے۔ ان لوگوں کے نمونے لیے جائیں گے اور ان کی جانچ ہوگی۔ ابھی ان کو کورنٹائین کیا گیا ہے۔ پولیس بھی ہمارے ساتھ ہے۔ پولیس سے بھی تعاون مانگا گیا ہے'۔
