گیان واپی مسجد کے وضوخانہ کے تعلق سے ہفتہ کو اے سی جے ایم پنچم اجول اپادھیائے کی عدالت نے فیصلہ نہیں سنایا، عدالت نے 17 اکتوبر کی تاریخ مقرر کی ہے۔ کیس کے مطابق سینیئر ایڈووکیٹ ہری شنکر پانڈے نے عدالت میں درخواست دی ہے کہ نمازیوں کے وضوخانہ میں ہاتھ پاؤں دھونے سے گندگی پھیلتی ہے جب کہ وہ جگہ ہمارے پیارے بھگوان شیو کی جگہ ہے۔ یہ ہندو سماج کی توہین ہے۔ verdict over Wazu Khanagyanvapi masjid case
اس کے ساتھ ہی اے آئی ایم آئی ایم کے صدر اسد الدین اویسی، ایس پی صدر اکھلیش یادو وغیرہ نے گیان واپی واقعہ پر بیان دیا، ہندو فریق کے افراد نے ان رہنماؤں کے خلاف مقدمہ درج کرنے کا مطالبہ کیا ہے۔ حال ہی میں اس درخواست کی سماعت کے بعد عدالت نے فیصلہ محفوظ کر لیا ہے۔ آرڈر کی ہفتہ کو آمد متوقع تھی۔
وارانسی کی ایک عدالت نے جمعہ کے روز وارانسی گیان واپی مسجد شرینگر گوری کیس کے سلسلے میں اس سال کے شروع میں گیان واپی مسجد کمپلیکس کے سروے کے دوران مبینہ شیولنگ کی کاربن ڈیٹنگ کی درخواست کو مسترد کر دیا۔ ڈسٹرکٹ پبلک پراسیکیوٹر (سول) مہندر پرساد نے کہا کہ 'مبینہ شیولنگ' کی کاربن ڈیٹنگ کے لیے عرضی گزاروں کی درخواست کو عدالت نے مسترد کر دیا ہے۔
مزید پڑھیں:Gyanvapi Masjid Case گیانواپی مسجد معاملہ پر سماعت آج
ہندو درخواست گزاروں کی کاربن ڈیٹنگ پٹیشن پر اعتراض کرنے والی انجمن انتفاضہ مسجد کمیٹی کی نمائندگی کرنے والے ایڈووکیٹ اخلاق احمد نے کہا کہ ڈسٹرکٹ جج ڈاکٹر اجے کرشنا وشویش نے سپریم کورٹ کے 17 مئی کو دیے گئے حکم کے پیش نظر درخواست کو خارج کر دیا تھا۔ وارانسی کے ضلع مجسٹریٹ نے مسجد کے علاقے کے ویڈیو گرافک سروے کے دوران اس علاقے کو محفوظ بنانے کے لیے جہاں ایک مبینہ شیولنگ کے ملنے کا دعویٰ کیا گیا تھا۔
