ریاست اترپردیش کے رامپور میں ضرورت مند افراد کی مدد کرنے کے مقصد سے فلاحی تنظیم رئیس رامپوری کلیان سنستھان نے پرانے کپڑوں اور دیگر ضروری سامان کا ایک مرکز قائم کرکے ضرورت مندوں تک اس کو پہنچانے کا نظم کیا ہے۔
سماج کے کمزور افراد کی بنیادی ضرورتیں پوری کرنے والا مرکز موسم سرما میں شدید سردی کو دیکھتے ہوئے سماجی اور فلاحی تنظیمیں بھی سرگرم عمل ہو گئی ہیں۔ رامپور میں معروف ادیب و شاعر رئیس رامپوری (مرحوم) کی یاد میں قائم فلاحی تنظیم رئیس رامپوری کلیان سنستھان نے غرباء و مساکین کو امداد پہنچانے کے مقصد سے ایک ایسے سینٹر کا قیام کیا ہے جہاں سے ضرورت مند افراد اپنی ضرورت کے کپڑے اور دیگر ضروری سامان لے جا سکتے ہیں۔
رئیس رامپوری کلیان سنستھان کے سربراہ شریف الرحمن نے ای ٹی وی بھارت سے خصوصی بات چیت میں بتایا کہ ان کی تنظیم گذشتہ 12 برس سے ضرورت مند اور بے سہارا افراد تک امداد پہنچانے کے لئے اپنی مختلف سرگرمیاں انجام دے رہی ہے۔
سماج کے کمزور افراد کی بنیادی ضرورتیں پوری کرنے والا مرکز انہوں نے کہا کہ شدید سردی کو دیکھتے ہوئے یہاں پرانے گرم کپڑوں کا انتظام کیا جاتا ہے اور مختلف کالونیوں میں جاکر ضرورت مند افراد کو اس کی اطلاع دے دی جاتی ہے کہ وہ تنظیم کے سینٹر پہنچ کر اپنی ضرورت کے حساب سے کپڑے اور دیگر سامان لے سکتے ہیں۔
ایک سوال کے جواب میں شریف الرحمن نے کہا کہ اہل خیر حضرات اور دیگر افراد اپنے ضرورت سے زائد سامان کو ہمارے سینٹر میں پہنچا دیتے ہیں۔ اسی طرح کچھ لوگ نئے اور استعمال شدہ کپڑوں کو یہاں دے جاتے ہیں جس کو ان کی تنظیم کے رضاکار بہترین طریقہ سے دھلواکر اور استری وغیرہ کرکے ضرورت مندوں کے درمیان تقسیم کرتے ہیں۔
سماج کے کمزور افراد کی بنیادی ضرورتیں پوری کرنے والا مرکز رئیس رامپوری کلیان سنستھان کی جانب سے بے روزگار افراد کو مختلف چھوٹے موٹے روزگار سے بھی جوڑنے کی کوشش کی جاتی ہے۔ اسی کے ساتھ ہی لاوارث میتوں کی تدفین کے لئے کفن وغیرہ کا بھی یہاں انتظام ہے۔
بہرحال تنظیم کی ان مثبت کوششوں سے جہاں سماج کے کمزور افراد کی بنیادی ضرورتیں پوری ہو رہی ہیں وہیں اس طرح کے کاموں سے معروف شاعر و ادیب رائیس رامپوری کی روح کو صدقۂ جاریہ کا ثواب یقیناً پہنچ رہا ہوگا۔
