مشکل سوالات کو آسان انداز میں پیش کرنے والی طالبہ پر خاص رپورٹ

ریاست اتر پردیش کے بجنور کی ہونہار طالبہ نے لاک ڈاؤن میں تعلیم کی کم ہوتی رفتار دیکھ کر ریاضی کے مشکل سوالات کو حل کر کے اس کا ویڈیو یوٹیوب پر روزانہ اپلوڈ کررہی ہے جس سے سینکڑوں طلبہ و طالبات گھر بیٹھے مفت میں تعلیم حاصل کر رہے ہیں ۔

بجنور کی اس ہونہار طالبہ کا نام حیا ہے اور وہ شہر کی سینٹ میری اسکول میں نویں جماعت میں زیر تعلیم ہے۔

حیا نے بتایا کہ لاک ڈاؤن کے دوران اس نے سوچا کہ جس طرح لاک ڈاون میں ہر چیز کی رفتار دھمی پڑگئی ہے اس سے ایجوکیشن بھی متاثر ہے۔

ایسی صورتحال میں تمام طلباء و طالبات کہیں کمزور نہ رہ جائیں اسی مقصد سے حیا نے یوٹیوب پر 'نیو بیسک لرننگ' کے نام سے ایک چینل بنایا ہے۔

اپنے چینل پر حیا روزانہ نویں جماعت کے ریاضی و سائنس کے مشکل سوالات کو حل کرکے ویڈیو اپ لوڈ کرتی ہے تاکہ طلباء اس سے اتفادہ کر سکیں۔

حیا کےاس قدم سے سینکڑوں طلبہ و طالبات لاک ڈاؤن میں گھر میں اچھی طرح سے تیاری کر رہے ہیں تاکہ آئندہ امتحان میں اچھے نمبرات سے کامیاب ہوسکیں۔