جعلی دستاویزات کے الزام میں 8 ٹیچرز برخاست

اترپردیش کے ضلع سونبھدر میں فرضی معذور سرٹیفکیٹ پر نوکری کررہے 8 ٹیچروں کو برخاست کردیا گیا۔

ضلع کے بیسک ایجوکیشن افسر ڈاکٹر گورکھ ناتھ پٹیل نے بتایا کہ کئی اضلاع میں معذور سرٹیفکیٹ کی بنیاد پر فرضی طریقے سے ٹیچر کے نوکری کرنے کا معاملہ روشنی میں آنے پر سال 2010 کے بعد تعینات ٹیچروں کے معذور سرٹیفکیٹ کی جانچ کا حکم دیا گیا تھا۔

بی ایچ یو میں میڈیکل بورڈ تشکیل کرکے معذور کوٹے سے تعینات ٹیچروں کی جانچ کرائی گئی۔ جانچ میں ضلع کے 8 ٹیچر پوری طرح ٹھیک ملے جبکہ کسی نے کم سننے کی تو کسی نے کم دکھائی دینے کی رپورٹ بنوائی تھی۔

انہوں نے بتایا کہ جانچ میں ان سب کی رپورٹ فرضی پائی گئی ہے۔ جانچ رپورٹ کی بنیاد پر ڈسٹرکٹ مجسٹریٹ نے ان 8 ٹیچروں کو برخاست کرتے ہوئے ان کے خلاف مقدمہ درج کرانےکا حکم دیا گیا ہے۔ سبھی ٹیچروں سے تںخواہ کے طور پر لی گئی رقم کی وصولی بھی کی جائےگی۔

یو این آئی