ایک وقت میں ملک کی سب سے بڑی ٹیلی کام کمپنی رہی بھارت سنچار لیمیٹیڈ (بی ایس این ایل) معاشی بحران کا شکار ہو گئی ہے۔ حالات یہ ہیں کہ حکومت کے پاس بی ایس این ایل ملازمین کو تنخواہ دینے کے لئے رقم نہیں ہے۔ اس لئے حکومت 50-60 برس کی عمر والوں کے لئے والینٹری رٹائرمنٹ ایسکیم (وی آر ایس) لے کر آئی ہے۔
بی ایس این ایل کا یہ دفتر ریاست اتر پردیش کے ضلع بارہ بنکی میں واقع ہے۔ 1998 میں جب اس کی تعمیر ہوئی تھی اس وقت یہ ایشیہ کا سب سے جدید ٹیلی فون ایکسچینج تھا۔ لیکن پرائیویٹ ٹیلی کام کمپنیوں کی آمد اور حکومت کی خراب پالیسیوں سے بی ایس این ایل بحران کا شکار ہے۔ بی ایس این ایل کے ملازمین کو وقت پر تنخواہ نہیں ملتی۔ اس لئے وہ حکومت کی وی آر ایس پالیسی کو زیادہ ترجیح دے رہے ہیں۔
بارہ بنکی کے بی ایس این ایل کے اس دفتر میں تقریبآ 300 افسر اور ملازم ہیں۔ ان میں سے 127 ملازم ایسے ہیں جو 50 سے 60 برس کے درمیان ہیں۔ حکومت کی وی آر ایس اسکیم کی وجہ سے اب تک 63 ملازم وی آر ایس کی درخواست کر چکے ہیں۔ ان میں کئی افسر بھی شامل ہیں۔ لیکن ملازمین کے حقوق کے لیے کام کرنے والی تنظیمیں اس اسکیم کو درست نہیں مانتیں۔