بنارس میں کورونا کے 6 نئے معاملے

ریاست اتر پردیش کے شہر بنارس میں کورونا مثبت 6 نئے مریض کی تصدیق ہوئی ہے۔ اس کے ساتھ ہی ضلع میں اب کورونا مثبت کی کُل تعداد 58 ہوگئی ہے۔

ڈسٹرکٹ مجسٹریٹ کوشل راج شرما نے بتایا ہے کہ ایک 50 سالہ بزرگ کو جامعہ ہسپتال سے ریفر کرکے بی ایچ یو ہسپتال لایا گیا تھا جس کے بعد ان کی جانچ رپورٹ میں کورونا کی تصدیق ہوئی ہے۔

وہیں سگرا تھانہ علاقے کے ایک پولیس اہلکار جو نگر نگم پولیس چوکی پر تعینات تھے ان کی اسکریننگ تین دن قبل کی گئی تھی۔ جس کے بعد اس کی رپورٹ بھی کورونا مثبت آئی ہے۔

ساتھ ہی ایک سی ایچ سی شوپور ہسپتال کے وارڈ بوائے بھی کورونا مثؓت پایا گیا۔ اس کے علاوہ ایک سگرا علاقے کے پوسٹ آفس کا ایک ملازم اس پولیس کے رابطے میں آیا تھا، جس کے بعد پوسٹ آفس ملازم بھی کورونا مثبت پایا گیا۔

وہیں ٹرک کنڈیکٹر10 دن کے لیے ممبئی گیا ہوا تھا اس کی جانچ رپورٹ بھی کورونا مثؓت آئی ہے۔

اس کے ساتھ ہی ضلع میں اب تک کورونا مریضوں کی کُل تعداد 58 ہوگئ ہے۔

واضح رہے کہ بنارس میں کورونا مریضوں کی تعداد میں مسلسل اضافہ ہورہا ہے جس کے پیش نظر ڈسٹرکٹ مجسٹریٹ کوشل راج شرمانے 3 مئی تک مکمل لاک ڈاؤن کا اعلان کیا ہے اور ضروری اشیاء کی بھی دکانیں بند رہیں گی۔