زیدپور ریزرو اسمبلی نشست میں 59 فیصد ووٹنگ

ریاست اترپردیش کے ضلع بارہ بنکی کے زیدپور ریزرو اسمبلی نشست کے ضمنی انتخابات کے لیے حق رائے دہی کا عمل پورا ہو گیا۔

ضمنی انتخابات میں ایک دو معاملوں کو چھوڑ کر کسی قسم کے تشدد کی خبر نہیں ہے تمام پولنگ اسٹیشن پر امن و امان کے ساتھ لوگوں نے اپنے حق رائے دہی کا استعمال کیا۔

زیدپور ریزرو اسمبلی نشست کے لیے سات امیدواروں کی قسمت ای وی ایم میں قید ہو گئی ہے۔

تقریبا 3 لاکھ 80 ہزار ووٹرس میں سے 58.50 فیصدی ووٹرس نے ووٹ کیا۔

حق رائے دہی کا عمل پورا کرانے کے بعد تمام پولنگ پارٹیز نے اپنی اپنی ای وی ایم نوین منڈی میں بنائے گئے اسٹاک روم میں جمع کر دی، جہاں 24 اکتوبر کو ووٹوں کی گنتی عمل میں آئیگی۔