مظفرنگر: 55 گھنٹوں کا لاک ڈاون نافذ، 24 نئے کورونا کیس ملے

اترپردیش میں 55 گھنٹوں کا لاک ڈاون نافذ ہے، اس لاک ڈاؤن میں آج مظفرنگر میں کورونا کے ایک ساتھ 24 مثبت کیس ملنے سے محکمہ صحت میں ہلچل مچ گئی۔

راحت کی بات یہ بھی ہے کی آج 14 مثبت مریضوں صحت یاب بھی ہوئے۔ اب کورونا مثبت مریضوں کی تعداد 280 رہ گئی۔ مظفر نگر میں اب تک 21 کرونا مثبت افراد کی موت بھی ہو چکی ہیں۔

ریاست اترپردیش کے ضلع مظفر نگر میں کورونا وائرس کیسز برابر بڑھ رہے ہیں۔ یہی وجہ ہے کہ ریاستی حکومت کی جانب سے سبھی اضلاع میں 55 گھنٹوں کا لوک ڈاون نافذ ہے۔

اس کے باوجود بھی مظفر نگر ضلع میں آج بھی 24 مثبت کیس ملے ہیں۔ جس کے بعد ضلع انتظامیہ میں ہلچل مچی ہوئی ہے۔

آج 361 افراد کی رپورٹ موصول ہوئی، جن میں 24 مثبت کیس پائے گئے ہیں اور دیگر تمام رپورٹیں منفی آئی ہیں۔

مظفر نگر میں کورونا وائرس کے 24 نئے کیس ملے ہیں سبھی مریضوں کو بیگراج پور میڈیکل کالج مظفر نگر کے آئسولیشن وارڈ میں بھیجا گیا۔

میڈیکل کالج کے ڈاکٹروں کی ٹیم پہلے ہی تقریباً 908 کے قریب متاثرہ افراد کو صحت یاب کر گھر بھیج دیا گیا ہے۔

اس کی جانکاری ضلع مجسٹریٹ سیلوا کماری جے نے اپنے ٹوئٹر اکاؤنٹ پر ٹویٹ کر کے دی اور اس کی مزید جانکاری اے ڈی ایم الوک کمار نے دیا۔