مظفر نگر:ریاست اترپردیش کے ضلع مظفر نگر میں 41 نجی اسپتالوں کو محکمۂ صحت کی ٹیم نے سیل کر دیا اور 33 کو نوٹس جاری کرتے ہوئے محکمۂ صحت نے فوری کارروائی کی۔ محکمۂ صحت کی کارروائی سے ضلع کے ساتھ ساتھ دیہات کے علاقوں کے سبھی ڈاکٹرز میں کہرام مچ گیا ہے۔ 41 Hospitals Sealed and 33 Noticed in Muzaffarnagar District
یہ بھی پڑھیں:
مظفرنگر چیف میڈیکل آفیسر مہاویر سنگھ فوجدار نے مزید معلومات دیتے ہوئے بتایا کہ کافی روز سے شہری اور دیہاتی علاقوں میں نرسنگ ہوم اسپتال کی خامیوں کی کافی کچھ خبر سننے کو مل رہی تھی۔ ہم نے آج ٹیم بنا کر شہری اور دیہاتی علاقوں میں بنا سرٹیفکیٹ کے شہری اور دیہاتی علاقوں میں چل رہے اسپتال، میڈیکل اسٹور اور ڈائیگناسٹک سینٹر پر کارروائی کی ہے۔ اس میں 40 سے زائد اسپتالوں کو سیل کیا گیا ہے اور 30 سے زائد کو محکمۂ صحت کی طرف سے نوٹس جاری کیا گیا ہے۔
اس سلسلہ میں چیف میڈیکل آفیسر نے جانچ میں پایا کہ بہت سے اسپتال فرضی طریقے سے چل رہے تھے اور بہت سے اسپتالوں میں ڈاکٹرز موجود نہیں تھے۔ صرف ان کے نام سے ہی اسپتال چل رہے تھے۔ بی یو ایم ایس ڈاکٹرز آپریشن کر رہے تھے۔ ان جیسے اسپتالوں کو سیل کیا گیا ہے اور کچھ کو نوٹس جاری کیا گیا ہے۔ بنا لائسنس کے اسپتال اور میڈیکل اسٹورز پر ماضی میں بھی کارروائی کی گئی ہے اور آئندہ بھی کی جاتی رہے گی۔