ناجائز تعلقات کے شبہے میں نوجوان کا قتل

ریاست اترپردیش کے ضلع بارہ بنکی کے گاندھی نگر علاقے میں ناجائز تعلقات کے شبہے میں ایک 35 سالہ نوجوان کا قتل کر دیا گیا۔

قتل کے بعد علاقے میں سنسنی پھیل گئی۔ مقتول کے بھائی کا اس کی اہلیہ پر قتل کرنے کا الزام لگا رہا ہے۔ فی الحال پولیس نے مقتول کی اہلیہ کو حراست میں لیکر تحقیقات شروع کر دی ہے۔

مقتول سرون گوتم کے بھائی رام ملن کے مطابق سرون صبح سے غائب تھا۔کئی گھنٹوں کی تلاش کے باوجود سرون کا کوئی پتا نہیں چلا۔ صبح پونے 11 بجے گھر میں پلے کتے نے رام ملن کو بھونک بھونک کر جھاڑی کی جانب لے گیا۔ تو اس نے دیکھا کہ جھاڑی میں سرون کی لاش پڑی ہوئی ہے۔ رام ملن کو اپنی بھابھی پر شک ہے کہ اس نے یا اس کے کسی جاننے والے نے مل کر سرون کا قتل کیا ہے۔

واردات کی اطلاع ملتے ہی پولیس افسران موقع پر پہنچ گئے اور تحقیقات شروع کر دی ہے۔ قاتل کا پتا لگانے کے لیے فورینسک ٹیم اور ڈاگ اسکوائیڈ کو بھی لگایا گیا ہے۔ فی الحال پولیس نے مقدمہ درج کرکے معاملے کی تحقیقات شروع کر دی ہے۔