تفصیلات کے مطابق اترپردیش کے مختلف اضلاع میں آسمانی بجلی گرنے سے 35 لوگوں کی موت ہو گئی ہے جبکہ 13 دیگر زخمی ہوئے ہیں۔
اترپردیش کے وزیراعلی یوگی آدتیہ ناتھ نے بجلی گرنے کے واقعات میں مرنے والے افراد کی موت پر غم کا اظہار کرتے ہوئے ہلاک شدگان کے ورثا کو چار، چار لاکھ روپے بطورامدادی رقم مہیا کرائے جانے کی ہدایت دی ہے۔
اطلاعات کے مطابق فتح پور ضلع میں 7، کانپور میں 7، ہمیر پور میں 3، جھانسی میں 5، غازی پور میں 2، چتر کوٹ میں ایک، جالون میں 4، پرتاپ گڑھ میں ایک، امبیڈکر نگر میں ایک، جونپور میں ایک، کشی نگر میں ایک اور دیوریا میں ایک شخص کی موت ہوئی ہے۔
اس کے علاوہ 13 افراد زخمی ہوئے ہیں جبکہ کئی مکانات کو بھی نقصان پہنچا ہے۔
ریاستی حکومت کے ترجمان کی جانب سے جاری کردہ بیان میں بتایا گیا کہ وزیراعلی یوگی آدتیہ ناتھ نے ہلاک ہونے والوں کے ورثا کو چار چارلاکھ روپے دینے کی ہدایت دی ہے۔