مرزاپور: 3 اسمگلر گرفتار، ڈیڑھ کروڑ کا گانجا ضبط

اترپردیش کے ضلع مرزاپور میں پولیس نے کچھواں علاقے سے منی ٹرک سوار تین اسمگلروں کو گرفتار کر کے ان کے قبضے سے آٹھ کوئنتل گانجا ضبط کیا ہے۔ عالمی بازار میں برآمد گانجے کی قیمت تقریبا ڈیڑھ کروڑ روپئے بتائی جاتی ہے۔

پولیس ترجمان نے آج یہاں بتایا کہ کچھواں تھان پولیس اور کرائم برانچ کی ٹیم نے اطلاع ملنے پر مشترکہ طور سے کاروائی کرتے ہوئے کٹکا پڑاو کے نزدیک سے چیکنگ کے دوران منی ٹرک سوار تین اسمگلروں امیٹھی باشندہ موتی لال و صاحب پرساد اور بہار باشندہ رمیش کو گرفتار کیا ہے۔ تلاشی کے دوران ان کی گاڑی سے ڈیڑھ کروڑ روپئے کی مالیت کا 08کوئنتل گانجا برآمد کیا ہے۔ انہوں نے بتایا کہ اس سلسلے میں معاملہ درج کرکے گرفتار ملزمین کو جیل بھیج دیا گیا ہے۔

یو این آئی