اب پولیس بھی ہجومی تشدد کا شکار

ریاست اتر پردیش کے ضلع کانپور میں ایک بار پھر ہجومی تشدد کا معاملہ سامنے آیا ہے لیکن اس بار ہجومی تشدد کا شکار خود پولیس اہلکار ہیں۔

ضلع کانپور میں شوہر بیوی کے جھگڑے کو حل کرنے پہنچی پولیس پر مقامی گرام پردھان سمیت متعدد لڑکوں نے اپنے ساتھیو ں کی مدد سے ان پر حملہ کر دیا۔

پولیس پر کیے گئےحملے میں تین پولیس اہلکار زخمی ہو گئے، جبکہ زخمی پولیس اہلکاروں کو علاج کے لیے ہسپتال میں داخل کرایا گیا ہے۔ پولیس نے دو حملہ آوروں کو کو گرفتار کر لیا ہے۔

تفصیلات کے مطابق کانپور کے بدھنو تھانہ علاقہ کے سین پشچمپارا گاؤں کی رہنے والی عورت گڈڈن نے پولیس میں شکایت کی تھی کہ اس کا شوہر اس کو مارتا پیٹتا ہے،گڈڈن کی شکایت پر چوکی انچارج نے چار سپاہیوں کو اس کے شوہر کو لانے کے لیے گاؤں بھیجا تھا، تاہمپولیس اہلکار جب گڈڈن کے شوہر کو پکڑ کر چوکی لانے لگے تو وہشور مچانے لگا جس پر گاؤں کے سابق پردھان اننت سنگھ کے لڑکوں سمیت متعدد لوگوں نے اپنے پولیس پر حملہ کردیا۔

اس حملے میں تین پولیس اہلکار زخمی ہو گئے جن کا طبی معائنہ کرانے کے بعد اسپتال میں داخل کرایا گیا ہے

تازہ اطلاعات کےمطابق پولیس نے اس معاملے میں 17 لوگوں پر مقدمہ درج کیا ہے جس میں اب تک سات لوگوں کو حراست میں لے لیا گیا ہے۔