سڑک حادثے میں تین ہلاک

ہردوئی کے قاسم پور علاقے میں پیر کو شیو مندر سے درشن کر کے لوٹ رہے تین افراد تیز رفتار بس کی زد میں آنے سے ہلاک ہو گئے۔

ریاست اترپردیش کے ضلع ہردوئی میں سڑک حادثے میں تین نوجوان ہلاک ہو گئے۔ پولیس کے مطابق ہلاک شدگان کی شناخت سرویش (18)، ونود (20) اور سبھاش (21) کے طور پر ہوئی ہے اور ان کا تعلق ملاواں گاؤں سے ہے۔

سڑک حادثے میں تین ہلاک

گذشتہ شام وہ تینوں گھر سے یہ کہہ کر روانہ ہوئے تھے کہ وہ شیو مندر میں 'جَل' چڑھانے کے لیے جا رہے ہیں لیکن صبح میں لوٹتے وقت غوث گنج چوکی کے نزدیک ایک تیز رفتار بس نے ان کی موٹر سائیکل کو ٹکر مار دی۔

اس حادثے میں دو لوگوں کی موقع پر ہی موت ہو گئی جبکہ تیسرے نوجوان نے ٹراما سینٹر میں دم توڑ دیا۔ حادثے کے بعد بس ڈرائیور بس لے کر فرار ہو گیا۔ لاشوں کو پوسٹ مارٹم کے لیے بھیج دیا گیا ہے۔ پولیس پورے معاملے کی جانچ کر رہی ہے۔