اطلاعات کے مطابق مرادآباد کے تھانہ بلاری علاقے میں تقریباً رات ساڑھے نو بجے بدایوں روڈ ویز ڈپو کی بس مرادآباد آرہی تھی، اس میں دو نامعلوم نوجوانوں سوار ہوگئے اور کنڈیکٹر کو ڈرا دھمکاکر دو ہزار روپئے اور ٹکٹ مشین لیکر فرار ہوگئے تھے۔
آج مرادآباد کے ایس پی دیہات ودیا ساگر نے معاملے کا خلاصہ کرتے ہوئے بتایا کہ واردات کو تین افراد نے انجام دیا تھا جبکہ پولیس نے انہیں گرفتار کرلیا ہے اور ان کے قبضہ سے لوٹا گیا بیگ، 315 بور کا طفنچہ، ٹکٹ مشین اور ایک موٹرسائیکل کو برآمد کرلیا گیا۔
انہوں نے کہا کہ تینوں ملزمین کو گرفتار کرکے جیل بھیج دیا گیا جبکہ اس کیس میں مزید تحقیقات جاری ہے۔
